Årsmøte i Midtre Naustdal storvald den 25.03 2010

Stad: Kommunestyresalen.

Leiar i styret Øyvin Mortensbakke ønskte velkomen til møtet.

Årsmøtet behandla desse sakene:

Konstituering:

Val av ordstyrar ;  Øyvin Mortensbakke.

Val av referent: Viggo Leikanger

Val av to til å skrive under møteprotokollen: Halvard Leikanger og Arvid Andal.

Saker:

Årsmelding:

Leiaren las opp årsmelding. Styret er stort sett tilfreds med arbeidet i valdet, og kontakten med jaktfelta. Av meir spesielle ting som vart nemt er at her har vore mistanke om tjuvjakt enkelte plassar. Litt debatt om dette.

Årsmeldinga vart godkjent.

Rekneskap:

Oddbjørn Schei la fram rekneskapen for 2009. Førebels viste dette eit underskot på 1350 kroner. Det er venta eit forseinka tilskot frå kommunen sitt viltfond, slik at det kjem i pluss.

Rekneskapen vart godkjent.

Jan Bjarte Skrøppa frå politiet møtte og orienterte om politiet si rolle som jaktoppsyn. Tema han var innom: Jaktoppsyn, finansiering, måneskinsjakt, generell jaktmoral, haldningar. Vi bør senke lista for å ringe om det er noko vi skulle ha varsla om.

Dei frammøtte nytte kaffi og kringle under denne økta…

Fellingsstatistikk for jakta og ny tildeling:

Jan Støfring presenterte fellingsstatistikken for jakta 2009. Diskusjon rundt fellingstal og tildelingstal. Vi går inn i siste året av treårsplanen. Styret la fram plan om tildeling av 167 løyve.

Fellingsplanen vart samrøystes vedtatt.

Malones presenterte fellingsstatistikk for heile kommunen. Total fellingsprosent for kommunen var for 2009 på 85,7prosent. Det ligg i landstoppen for mengde hjort i forhold til areal.

Hjorteteljing vår 2010 blir 3. april 1. mai og 22. mai. Same datoar som i fjor.

Val:

Valnemda la fram forslag til nytt styre.

Leiar Øyvin Mortensbakke, attvald samrøystes.

Jan Støfring, attvald samrøystes.

Oddbjørn Schei var ikkje på val.

Varamedlemer:

Olaus Jonstad og Hallvar Einevoll, attvald samrøystes.

Ny valnemd:

Jan Hove som leiar og Halvard Leikanger.

Avtale om ettersøkshund.

Midtre Naustdal Storvald har inngått felles avtale med Naustdal  Ettersøksring for alle jaktfelt innan vårt storvald for hjortejakta hausten 2007.

Betaling av denne avgifta skal baserast på fordeling  etter faktisk felte dyr innan storvaldet.

Berekning av avgifta blir gjort saman med fellingsavgifta og føreset betaling av ei felles innbetaling

Kva beløp som skal innbetalast blir berekna av styret i storvaldet etter at vi har fått klarheit i kva tal dyr som er felte.

Frist for innbetaling av fellingsavgift er utgang desember og pris for avgift til ettersøksøkshund blir gjort kjent frå oss på heimesida innen 15. desember slik at felles innbetaling kan gjennomførast innan fristen 31. desember.

Ettersøkskontakt skal rettast gjennom telefon 99153463 som er aktiv i jaktperioden.

Fristar for tilbakemeldingar.

Tildelinga føreset at det straks  etter at jakta er slutt blir rapportert resultat til styret .

Fellingsavgift skal betalast til bankkonto 3705 09 32517 og innbetalingane skal tydeleg merkast med jaktfelt og kode.

Rapporteringa skal skje på fast rapporteringsskjema/slaktevektskjema.

Anna:

I storvaldet kan det gjerast avtaler om byte av løyver mellom jaktfelta dersom dette syner seg tenneleg for å oppnå eit godt resultat, men styret presiserer at dette krev avtaler mellom dei jaktfelta dette gjeld.

STORBUKK.

Styret pålegg alle jaktfelta om å spare storbukk for å kunne styrke ei sunn utvikling av hjortestamma i storvaldet. Med storbukk meiner vi dyr med 5 greiner eller meir ( på kvar side) og vekt over 70- 80 kg.

PRODUKTIVE KOLLER.

Koller skal ikkje skytast frå kalv. Kalv skal alltid fellast før kolle. Styret oppfordrar vidare til at vi sparer på produktive koller og legg vekt på avskyting av ungdyr og skrinne dyr for å heve kvaliteten i hjortestamma i området.

SKRAPDYR.

Styret har vedteke at det for sesong 2006 blir vidareført ei ordning med eigen kvote for skrapdyr. Dersom ein skyt unormalt små dyr skal ein kunne tildelast ekstra løyver som kompensasjon og premie for dette. Årsaka til tiltaket er at dette vil føre til betring i hjortestamma generelt og at ein ved sal av løyver ikkje skal påføre kjøparen unødige kostnader eller ulyst til å ta ut desse dyra.

Styret legg til grunn kalvevektgrense på 18 kilo, spissbukk 38 kilo og ungkolle 35 kilo som skrapdyr- definisjon.

For å unngå tvistar er det føresett at to frå styret skal kontrollere vekta på dyret som ein krev definert som skrapdyr. Hovudet på dyret skal også framleggast som dokumentasjon.

Styret har vedteke å etablere ein eigen e-post adresse for laget der ein kan rapportere, og som postkasse for styret.

Adressa er;  jaktpost@naustdalshjort.org

Styret ynskjer alle jaktfelt og jegarar lukke til med sikker og god jakt!

Steinar Andal

Styreleiar