Naustdal 1. mars 2013

ÅRSMELDING FOR MIDTRE NAUSTDAL STORVALD

Drifta av Midtre Naustdal Storvald har i året 2012 stort sett gått etter dei same retningslinjer som tidlegare. Styret har avvikla tre styremøte omframt årsmøtet.

Grunnen til at det ikkje er behov for mange møter er fordi laget opererer med svært små endringar frå år til år basert på den lojalitet som er opparbeida. Drifta er såleis svært stabil.
Det kunne vore eit ønske at ein sentralt i vilt- forvaltninga tok eit fellesinitiativ til å få etablert ei felles jaktside på nett som dekka heile kommunen der kvart storvald fekk sin del for å informere og administrere. Slik løysing ville bli meir rasjonell og betre sikra driftsteknisk for alle som både skal bruke sida eller operere denne. Årsmøtet blir oppfordra til å signalisere syn på dette slik at ein kan fremje dette vidare mot kommune og andre for å få nytta økonomiske ressursar på denne tenesta fordi vi i dag er for einsidig avhengige av eit aldrande datasystem.

Samarbeidet med dei enkelte jaktfelt er tilfredsstullande, sjølv om styreleiar finn det rett å rapportere om at vi framleis er for lite presise med rapporteringar både av skjemasystemet og avgifts- innbetalingar, slik årsmøtet har bestemt tidlegare.
Styret minner om at årsmøtet har vedteke rett til å pålegge ”betalingsbot” for dei som er for seine med innbetaling. Styret har ikkje nytta dette pressmiddelet hittil.

Jaktsesongen i 2012 var ikkje tilfredstillande med omsyn på avskyting slik det var planlagt opp mot tildeling. Resultatet med 95 felte dyr er totalt 25 dyr mindre enn i 2011, som også var eit år der det vart bremsa på avskyting.
Fellingsresultatet i 2012 vart på 64% i høve tildeling og dette er eit stort tilbakefall frå 81% i 2011. Fordelinga av avskytinga er derimot rimeleg bra og vil ikkje medføre behov for justering.

Slik styret tolkar resultatet er det grunn til å drøfte kva grunnen er til redusert avskyting og det siste resualtatet. Det er ikkje direkte indikasjonar på at kondisjon på dyra er redusert. Det ser også ut til at ein har ein stabil stamme med god fordeling etter teljing, men ein sviktart i uttak opp mot plan. Styret registrerer også at vi har hatt ein enkelt vinter for dyra vinteren i 2011 med relativt lite snø, slik at det ikkje burde oppstå kritiske tilstandar for dyra i gjeldande jaktsesong i storvaldet.
Basert på obervasjon er det grunn til å vurdere om ein del av svaret på endra stamme i jaktsesong kan skuldast endra trekkmønster som resultat av kustig foring av stamma gjennom året.
Alternativt kan endra storbukktettleik i det enkelte område medføre endra samling av dyra slik dette har vore normalt tidlegare. Dersom det er redusksjon av storbukk lokalt er det grunn til å skjerpe inn avskytingsreglane det enkelte jaktfelt eller over områder som dekker fleire storvald, heile kommunen eller endå større område. Ein vil truleg sjå sikrare indikasjon etter endå eitt år med jakt.

Den administrative tilstanden i storvaldet er etter styret si vurdering god med godt samarbeid både innad og mot kommune.

Øyvin Mortensbakke

Styreleiar

ÅRSMELDING  2010

FOR

MIDTRE NAUSTDAL STORVALD

Styrearbeidet i Midtre Naustdal Storvald har også i året 2010 vore mest fokusert kring det vi ser på som normal drift.

Styre har avvikla 4 møter i perioden samt nytta ein del telefonkontakt for å avklare løpande spørsmål.

Styret har vidareført arbeidet med å nytte heimesida vår som kommunikasjon mot alle jaktfelt i storvaldet. Det er på sikt behov for ny sideutforming for å ha meir moderne presentasjon, men oppgåva hastar ikkje.

Styret er særs tilfreds med måten dei ansvarlege for det enkelte jaktfelt har kommunisert på og korleis vi har klart å gjennomføre både kommunikasjon og betaling av avgifter osv.

Vi vil håpe at dei enkelte jaktfeltansvarlege også ser på denne løysinga som tilfredsstillande, sjølv om vi også ser at ein del av skjemaveldet har ein noko gammaldags utforming.

Bestandssituasjonen i valdet er etter styret si meining god. Valdet har eit godt bestands- grunnlag med friske dyr med god kondisjon. Dei dyr som er små (skrap) er truleg resultat av fråskyting av mor, noko som vi er sterkt imot og som strir mot våre fellingsreglar.

Det blir spennande å sjå korleis  endå ein så hard vinter som vi no er inne i vil slå ut, men vi trur at vårt storvald ikkje vil oppleve stort fråfall på grunn av at det er  granfelt der dyra kan søke skjul.

Resultatet av jakta var stort sett tilfredsstillande med ein  stabil god fellingsprosent opp mot det som var målsettinga. Styre ser  på resultatet som tilfredsstillande, men er litt undrande til at det ikkje er fleire som nytta høvet til å ta ut større kvote basert på vårt vedtak om å tillate ein fleksibel post på 20% ut over tildelinga.

Styret takkar for godt samarbeid i 2010.

Naustdal mars 2011.

v/ Øyvin Mortensbakke