ORIENTERINGSSKRIV 1/2006
MIDTRE NAUSTDAL STORVALD
Nytt styre:
Nytt styre i Midtre Naustdal Storvald har avvikla konstituerande møte den 19. juni 2006.
I styret er Steinar Andal leiar, Jan Hove nestleiar og Jan Støfring styremedlem.
Saker under arbeid:
Styret har som målsetting at tildelingane av løyver skal kje på tidleg sommar og at kvart av felta får tildelingspapir tilsendt per post i år.
Styret har som målsetting at vi skal rasjonalisere arbeidet slik at vi kan nytte e-post og heimeside for utsending og rapportering for framtida, men på grunn av denne etableringa vil ta litt tid vil vi også denne gongen sende ut papirutgåver av all dokumentasjon.
På grunn av overlapp i informasjon blir det i utsendingane og løyvebrev no til dels same informasjon, men på grunn av at vi held fast ved at ingen jaktfelt får utsendt løyvebrev før avgift er betalt er slik informasjon nødvendig.
Styret gjer med dette merksam på at dei som ikkje har motteke løyvebrev med tal løyver for 2006 ikkje er registrerte med betalte løyvekrav til laget. Desse jaktfelta vil ikkje få tildeling før dette er gjort.
Avgift skal innbetalast til bankkonto 3705 09 32517 og innbetalingane skal tydeleg merkast med jaktfelt og kode.
På grunn av det spesielle i år må den enkelte som betaler etter denne purringa ta kontakt med Steinar Andal (leiar) eller Jan Hove for å få tildelingsbrev utsendt per post.
PS: Dei som saman med dette skrivet også får ”Løyvetildeling hjort år 2006” har etter laget sine data betalt avgift. Om det er feil i dette grunnlaget så ber vi dei det gjeld ta kontakt med leiar.
INFORMASJONSMETODE FRAMOVER.
Styret har etablert ei e-post adresse for å rasjonalisere kommunikasjon med jakt-felta.
For å får dette til å fungere må alle kontaktpersonar innan utgangen av august 2006 ha sendt tilbake til styre ei kvitteringsmelding gjennom e-post adressa vår, slik at vi ser om alle er tilgjengeleg og kva for adresse som skal brukast mot det enkelte jaktfelt. Det er derfor viktig at alle jaktfelta passar på dette dersom kontaktpersonar blir skifta ut og nye e-post adresser må opprettast.
Laget si e-post adresse er ; jaktpost@naustdalshjort.org
Postadressa er forventa operativ frå 1. juli 2006
Heimeside: Styret har vedteke etablering av eiga heimeside for jaktvaldet og namnet er; Naustdalshjort.org
Styret arbeider med etablering av denne sida og planlegg at vi har innhald i sida frå denne jaktsesongen slik at vi kan nå alle jaktfelta med generell informasjon og nyttige lenkar etc.
Spesielt vil informasjon av generell art bli lagt her samt alle former for blankettar etc.
Vi vonar også at denne heimesida vil bli lenka direkte frå Naustdal kommune si side og frå andre som måtte ha interesse.
FORVALTNINGSSKISSE 2006
Generelt.
Styret har vedteke vidareføring av tidlegare volum på løyvetildelinga som generell rettesnor. For å ha litt lengre perspektiv på forvaltninga føreset styret at vi ikkje føretek drastiske endringar innanfor 3-års bolken 2005-2006-2007 dersom det ikkje kjem tunge argument.
Styret gjer likevel merksam på at det enkelte jaktfelt må ta omsyn til at tildelingane kan variere frå år til år og at alle må halde seg til dette skriftlege løyvet. Styret vil legge vekt på at vi skal tildele løyver i juni månad kvart år slik at det enkelte jaktfelt får dokumentasjon på løyvenivå innan månadsskiftet juni/juli. Tildelinga føreset likevel klart at det enkelte jaktfelt har betalt avgifter samt rapportert i samsvar med krava.
Vi minner om dette fordi vi ser behovet for faktainformasjon slik at sal av løyver skjer i samsvar med dei løyver som blir tildelt, og at det enkelte jaktfelt må ta høgde for at det også kan bli reduserte løyvetildelingar også innanfor bolkane.
STORBUKK.
Styret oppmodar alle jaktfelta om å spare storbukk for å kunne styrke ei sunn utvikling av hjortestamma i storvaldet. Med storbukk meiner vi dyr med 5 greiner eller meir ( på kvar side) og vekt over 70- 80 kg.
PRODUKTIVE KOLLER.
Koller skal ikkje skytast frå kalv. Kalv skal alltid fellast før kolle. Styret oppfordrar vidare til at vi sparer på produktive koller og legg vekt på avskyting av ungdyr og skrinne dyr for å heve kvaliteten i hjortestamma i området.
SKRAPDYR.
Styret har vedteke at det for sesong 2006 blir vidareført ei ordning med eigen kvote for skrapdyr. Dersom ein skyt unormalt små dyr skal ein kunne tildelast ekstra løyver som kompensasjon og premie for dette. Årsaka til tiltaket er at dette vil føre til betring i hjortestamma generelt og at ein ved sal av løyver ikkje skal påføre kjøparen unødige kostnader eller ulyst til å ta ut desse dyra.
Styret legg til grunn kalvevektgrense på 18 kilo, spissbukk 38 kilo og ungkolle 35 kilo som skrapdyr- definisjon.
For å unngå tvistar er det føresett at to frå styret skal kontrollere vekta på dyret som ein krev definert som skrapdyr. Hovudet på dyret skal også framleggast som dokumentasjon.
Styret ynskjer alle jaktfelt og jegarar lukke til med sikker og god jakt!
Steinar Andal
(leiar)
