Referat årsmøte MNS 2024

Til stades:
Anders Neteland, Vegard Gillestad, Ken Egil Hove, Harald Engebø, Jan Hove, Hallvar Einevoll (fullmakt til Anders Neteland).

Val av møteleder og referent.
Anders valt til møteleder og Vegard som referent.

Val av representantar til å underskrive referat til årsmøtet
Eiliv og Anders skriv under protokollen.

Regnskap
Blir lagt ut på heimesida så fort alt er i orden med Brønnøysundsregisteret. Har vore ein del utfordringar med å få i gjennom registreringa.

Årsmelding
Anders las gjennom årsmeldinga som er tilgjengeleg på heimesida.

Fremlegg til avskytingsplan og løyvetildeling
Som ein kan lese i årsmeldinga var andelen skutte kalvar for liten i 2023. Andelen kalv endte på 23,8%, medan målsettinga var 30%. Styret føreslo av den grunn at ein frå jaktstart i 2024 held att løyva på eldre dyr frå 3-års kvoten. Altså at ein må innfri kvoten for kalv og yngre dyr før eldre dyr frå 3-års kvoten blir frigjort. Dette avslo årsmøtet. Grunngjevinga var at denne typen skjerpingstiltak vil kunne gjere folk meir nølande i avskytinga. Det blei påpeika at det frå kommunen si side er sterke oppmodingar om at ein må skyte meir hjort. I mange av MNS sine jaktfelt er det lite kalv. Om ein ser på heile Naustdal bestandsplanområde under eitt vart det felt 29,8% kalv. Årsmøtet gjorde klart at dette ikkje skal være ei kvilepute. Og at ein framleis må jobbe med å gjere alle i jaktfelta bevisste på å jobbe med andelen felte kalv.

Som eit tiltak til å få opp andelen felte kalv gav årsmøtet myndigheit til å tildele det som er «igjen» av kalv i frå 2023, som ekstra til dei som har skutt ferdig i 2024. Dette utgjer in pott på ca. 30 kalvar. Når eit jaktfelt har skutt kvoten sin på kalv i 2024, kan dei ta kontakt med styret og såleis få ekstra kalveløyver.

Ein ser at nokre jaktfelt slit med å felle all hjorten dei har kvote på. Medan andre jaktfelt har kapasitet ledig. Det er i dag fult mogeleg å «flytte/avgi» dyr frå eit jaktfelt til eit anna. Regelen er at det skal i så fall avligge ein skriftleg avtale om dette. Styret blei oppmoda til å komme med tiltak som kan gjere det enklare å inngå slike avtalar. Konkret blei det føreslått å lage malar på slike avtalar og legge dei på heimesida.

Skrapdyrordning
Blir vidareført.

Val
Hallvar Einevoll (leiar) og Eiliv Erdal i valnemnda. Valkommiten innstiller til gjennvalg av sittande styre.

Har prøvd å få folk til valkommiteen utan å lukkast. Gjenvalg på valkomiteen.